CYNLLUNIO

Arweiniad pellach i’r strategaeth:

Bydd y dysgwyr yn gallu cynnal trafodaethau manwl mewn grwpiau er mwyn gwyntyllu amrywiol safbwyntiau. 

I ddechrau, rhannwch y dosbarth i grwpiau o bedwar neu bump a chyflwyno cwestiwn i’w drafod. Cyflwynwch safbwynt sy’n cynnig ymateb i’r cwestiwn ac esboniwch fod ganddynt 10 munud i ddatblygu ymateb manwl ar gyfer y safbwynt yma. Yna, bydd pob grŵp yn enwebu aelod i’w cynrychioli ar banel o flaen y dosbarth. Bydd pob aelod o’r panel yn cyflwyno eu dadl/safbwynt. 

Yn ystod y cyfnod paratoi bydd angen datblygu ystod y ddadleuon a phwyntiau sy’n cynrychioli’u safbwynt. Dylent gynnwys cymaint o dystiolaeth ac enghreifftiau a phosib er mwyn cefnogi eu hachos. Hefyd, dylent lunio cyfres o gwestiynau er mwyn rhoi’r cyfle i ddatblygu’r drafodaeth ymhellach.

Ar ddiwedd y cyfnod paratoi, bydd y panel yn cael ei ffurfio ac yn ymuno efo’r athro sy’n ymgymryd â rôl y cadeirydd. Mae’r athro yn cyflwyno’r testun i’w drafod. 

Wrth i’r drafodaeth ddatblygu, bydd yr athro yn dechrau derbyn cwestiynau gan aelodau o’r gynulleidfa (gweddill y dosbarth). Bydd hyn yn gyfle i ysgogi a dyfhnau’r drafodaeth ymhellach.