CYNLLUNIO

Arweiniad pellach i’r strategaeth:

Nôd y strategaeth yw cyflwyno datganiad i ddysgwyr a gofyn a ydyn nhw’n meddwl bod hyn yn wir pob amser, weithiau neu fyth. Mae’r dull yma yn fodd effeithiol o annog trafodaethau yn enwedig wrth ymdrin a rhesymu gan ei fod yn annog disgyblion i chwilio am dystiolaeth i gyfiawnhau a chefnogi eu syniadau. 

Bydd angen i’r athro baratoi set o osodiadau i ymateb iddyn nhw yn ogystal â banc o eirfa mynegi barn a thrafod.  Bydd y dysgwyr yn ymateb i’r gosodiadau gan ddwyn i gof unrhyw ddysgu blaenorol am gysyniad/pwnc/thema. Bydd disgwyl i’r disgyblion ymchwilio a chanfod tystiolaeth i gefnogi a chyfiawnhau eu barn. Gellir annog y dysgwyr i adeiladu ar, herio, crynhoi, egluro a phrocio syniadau ei gilydd.